الأوفيس معناه داخل عيادة الدكتور أي بدون بنج أي بدون عمليات و ده لأنه سهل للي اتعلمه زي بالظبط السونار المهبلي..الأوفيس التشخيصي ممكن تعمله لوحدك (عالأقل للحالات السهلة) بعد 3 حالات تقريباً.. مخاطره قليلة جداً أهمها ال vasovagal shock و حانتعلم ازاي نحتاط منها و نتعامل معاها لما نتكلم عن ال complications
في التسعينات بدأ طبيب ايطالي اسمه بيتوكي فكرة اني أعمل الأوفيس بدون استعمال الات الكشف زي Speculum or Tenaculum عشان يقلل الاحساس بالألم و لو بسيط و سمى ال تيكنيك ده Vaginoscopy OR no-touch technique
بعد كدة الشركات طورت موديلات أقل سمكاً للأوفيس هستروسكوب لغاية ما وصل قطر العدسة ل 2 مم.. يعني نص قطر ال uterine sound
يعني ممكن يكون عندي أوفيس في العيادة بتكلفة أقل من السونار المتوسط و أتدرب عليه و أبدأ أشوف حالات على المستوى التشخيصي كبداية… طيب حاعمل بيه ايه؟
لو نفتكر أول كبسولة خالص..أي حاجة داخل الرحم تتشخص بشكل أفضل بالهستروسكوب..حبذا لو في العيادة و من غير بنج… زد على ذلك ان الأوفيس هستروسكوب ممكن أعمل بيه procedures في العيادة زي رفع لولب مفقود missed loop أو لحمية صغيرة أو خدش أو عينة من بطانة الرحم…
ورغم أن الأوفيس ممكن يعمل حاجات تانية كتير و تدخلات جراحية مشابهة لمنظار الرحم الجراحي (سواء باستخدام الالات بدون أو مع الكهرباء الجراحية) و مع مراعاة ان حجم ال lesion اللي حايتشال حايكون صغير عشان الأوفيس يؤدي مهمته بكفاءة … إلا اني لا أنصح باستخدامه في العيادة لأكثر من الحاجات اللي ذكرناها في الأول خصوصاً في بداية استخدامك ليه لتجنب أي مشاكل محتملة…
طيب ازاي أحضر الحالة.. ببساطة مافيش حاجة معينة by evidence لازم تتعمل في التحضير .. و لكن على مستوى عملي يفضل استعمال مسكن (حقن أو لبوس زي الفولتارين) قبل الهستروسكوب بساعة و و ممكن نستخدم ميزوبوستول 200 (2 لبوس مهبلي قبل المنظار بساعتين لتسهيل دخول المنظار من عنق الرحم.. (لاحظ ان الميزبروستول ممكن يعمل شوية دم بسيط ماتتفاجئش و مافيش منه مشكلة)
وجود ممرضة مدربة معاك بيفرق جداً في تسهيل الشغل و كلامها و تطمينها للحالة بيقلل جدا من شعورها بالألم و ده اسمه (verbal analgesia) .. و مثبت في دراسة عشوائية منشورة (Daykan et al. 2021)
دايماً يفضل استعمال normal saline عن أي سائل اخر و ضغط دفع السائل (سواء ضبطته يدوي أو الكتروني) لا يجب أن يتجاوز 120 مم.
نتأكد أن السائل الداخل مافيهوش فقاقيع هوا.. و دايماً يفضل ال vaginoscopy technique عن استعمال ال speculum + Vulsellum اللي بيسببوا ألم زيادة.
نبدأ نشتغل… الكاميرا على رحة ايدك الشمال و ايدك اليمين ماسكة كابل اللايت في اتجاه تحت و نفتح الsaline يفتح لنا الvagina و نلاقي ال cervix عدي ال External Os ببطء عشان دي اللحظة اللي حاتبدأ الحالة تشتكي من Discomfort أول ما نعدي ال Internal os نقف شوية و نسجل Capture لل Panoramic view بنشوف فيه تجويف الرحم كله تقريبا و نقدر ناخد فكرة عن أي Lesion موجود.
أهم خطوة في الأوفيس أني أشوف فتحات الأنابيب .. كدليل أني داخل الرحم.. مش في المثانة مثلاً (و ده بيحصل بالمناسبة حتى مع الخبير و مافيهوش أي مشكلة..طالما انت عرفت و عدلت مسارك)
بعدها بنبدأ بحرك الكابل 90 درجة لليمين و الشمال..و نبص على ال Tubal ostia الاتنين … و لو فيه حاجة تانية أعملها زي Loop extraction or Endometrial scratching .
الحكاية كلها في زمن دقايق و طبعاً بيقل مع الوقت و الممارسة.. خصوصاً لما يحصل coordination بين العين و الايد و اتجاه العدسة مع تغير اتجاه زاوية الفحص Vagina – Cervix – Uterus.
هل فيه حالات صعبة.. أكيد فيه حالات عنها ضيق أو انسداد في عنق الرحم لأي سبب أو عندها خوف مبالغ فيه من الاجراء نفسه (Apprehensive ) أو قدرتها على احتمال الألم منخفضة (Low pain threshold ) .. دول أنصح بعدم الاصرار على استكمال المنظار و تحويلهم عشان يتعمل Under sedation في مستشفى و ممكن نستعمل مسكن قبل الأوفيس حاتقلل الألم و بالتالي تقلل نسبة حدوث vasovagal reaction اللي نسبة حدوثه عالية في الاوفيس.
مع الأوفيس نخلي بالنا من ال vasovagal reaction .. (2.4%) نتوقعه في الحالة ال apprehensive بنلاقي ال pain threshold low لو بدأ يحصل.. نوقف فوراً
مع الأوفيس التشخيصي: نادراً جداً ال perforation .
مع الأوفيس: مش بنحتاج مضاد حيوي لا قبل و لا بعد .. (إلا في الحالات ال high risk for infection)