ايه الهدف من المنظار ؟؟
سوال يبان سطحى ، بس هو فى الواقع إجابته مَش سهله خالص و حوالى ٩٠٪ من دكاتره النسا هتجاوب غلط فيه ٣ جمل باقولهم علطول فى محاضراتى
- Laparoscopy is an approach not a new operation
- Never to compromise the management of the patients by doing laparoscopy
- take the decision then choose the route
يعنى ايه الكلام ده ؟؟
يعنى لو انت بتعمل بالمنظار اللى بتعمله فتح يبقى انت ماشى صح لو فتح احسن يبقى تفتح موضوع بسيط جدا لو قدراتك فى المنظار مَش قد كد مَش عيب اعملها فتح العيب انك تعمل Suboptimal Management بالمنظار علشان تبقى كملت منظار او علشان منظرك قدام المريضه اعمل الصح للمريضه ما ينفعش تعمل Subtotal Hysterectomy بالمنظار و انت بتعمل Total فتح ما ينفعش تشيل الـ Cyst فتح و بالمنظار تكويها علشان مَش عارف تشيلها ما ينفعش تخيط مكان Subserous fibroid & Wide bass لو فتح و فى المنظار تلسع المكان علشان مَش عارف تخيط بالمنظار.
اعمل الصح للمريضه طب علشان اوصل الصح اعمل ايه ؟؟
اكشف الاول على المريضه كويس جدا حدا جدا لازم تاخد History كويس لازم تشوف بطنها لازم كشف PV و TVS (الا لو Virgin طبعا) اللى ترفض رجعلها فلوسها التلاته مع بعض لازم ياما الواحد اكتشف حاجات مختلفه تماما سواء TVS او PV و غيرت القرار نفسه بعد ما تقيم المريضه صح خد قرار أنا عايز اعمل ايه . eg, cystectomy plus adheseolysis plus MB test
بعد كده قيم نفسك تنفع منظار اوك هتتعمل غلط او اقل او مَش ضامن يبقى فتح مَش عيب ابدا العيب انك تعمل منظار و تعمله غلط او ناقص العيب اكتر انك تعمل فتح و غلط ( و ده مَش مجالنا هنا ) . هو ده التسلسل الصح لا جدال ان المنطار احسن بكتييير من فتح البطن و لكن عمر ما كان الهدف من المنظار الشكل او الوقت او عدم عمل منظار هو طول الوقت الهدف انى اعمل الصح للمريضه لو منظار خير و بركه لو فتح مَش عيييب .
فى المرات الجايه ان شاء الله هامسك كل مره نقطه معينه نتكلم عن الأخطاء الشائعة فى المنظار و ازاى ناخد بالنا و الكلام هيبقى بسيط و مباشر و بالعربى .