لو انت ناوى تشتغل مناظير لازم تبقى فاهم معلومات أساسيه عن laparoscopic tower ما ينفعش تاخد معلوماتك من الفنى انا باتكلم على المعلومات الـ basic و الشغل الـ basic لو انت هتشتغل advanced يبقى محتاج معلوماتك تزيد عن الفنى و تشغل كل حاجه من غير وجوده اساسا مفروض اى حد هيشتغل مناظير ، يعرف ايه :
١- Monitor اى شاشه تنفع بس طبعا لو Medical Monitor يبقى احسن بس عايزك تعرف ان الشاشه ما هى الا output مَش اكتر.
٢- امال ايه لللى بيطلع الصوره camera unit اللي موجوده فى الـ tower تطلع على Camera head في ايدك .
٣- العدسه ( اللى بتتسمى laparoscope) ممكن تبقى ٣٠ او زيرو للاسف معظم دكاتره النسا بيستعملو زيرو بس اى شغل كبير لازم ٣٠ طب ايه الفرق:
- هتلاقى مقدمه العدسه مستقيمة فى الزيرو.
- مشطوفه بزاويه ٣٠ فى ال٣٠ فكره الغواصة لو light cable لتحت يبقي انت باصص فوق لو فوق يبقي انت باصص تحت لو يمين يبقي انت باصص شمال لو شمال انت باصص يمين.
(فى نوع تانى ٤٥ بس ما بنستخدموش فى شغل النسا)
٤- light source يعنى جهاز موجود على الـ tower بيطلع نور معظم الحالى زينون او لِيد (زمان كان هالوجين و كان وحش جدا).
٥- الكابل اللى بيطلع من light source اسمه light cable و يوصل فى العدسه يعنى انا عندى وحده كاميرا بتحدد جوده الصوره طالع منها راس كاميرا و بتطلع الصوره على مونيتور راس الكاميرا بيتوصل عليها عدسه ممكن زيرو او ٣٠ light source بيطلع منه كابل يدخل فى العدسه (فى العدسه الزيرو الlight cable بيبقى لتحت لان حركه الكابل مَش هتفرق فى العدسه ال٣٠ بيبقى الكابل لفوق و تاخد بالك منه كويس )
٦-insufflator (all are digital now) يتكتب فيه مجلدات .. بس نقول الخلاصه ..فيه اربع ارقام:
1- Preset pressure : انا عايز اوصل لضغط كام RCOG بتقول ابدا ٢٥ و قلل ل١٢ فى مصر صعب بنضبط من الاول ١٤ او ١٥ ده الضغط اللى انا عايزه يستمر طول الحاله .
2- Actual pressure : لو انا داخل صح يبقى زيرو او سالب فى الاول و يستمر اقل من ١٠ يعلى شويه لخد ما يوصل ل preset pressure … ساعتها كل حاجه تثبت
3-Flow :
– معدل CO2 اللى داخل.
– لو استعملت Veress needle يبقى 2.5 لحد ما Actual pressure =pre set pressure ساعتها الflow هيبقى زيرو.
4-Amount :
– كميه ال CO2 اللي دخلت .
– مفروض معظم الخالات تاخد ٣-٦ لتر حسب حجم البطن و الطول بس اساس الكميه هو الpressure زى ما انا قلت مش كميه ثابته .
– شوف الصوره بقي هتلاقى insufflator على اليمين الحاله كله ماشى تمام
Actual pressure 6/ flow 2.5 /amount increasing
SO, pressure will increase till reaching preset pressure …flow will become zero …amount mostly 3-6L
– طب شوف على الشمال … فيه حاجه غلط …
Actual pressure high/flow minimal/no amount
يبقى انا داخل غلط